“Mirreweenterhoorns roopt”
Heurt! Aower ’t Twentse laand Van wiedtn en kotbiej
Joolt de mirweenterhoorns
Eur oale melodiej
Van oldsher kloonk ’t geluud
Roond de mirweenterdaagn
Um al wat kwoad kon doon
Van hoes en hof te jaagn
Of um de blieschop van
De umkeer van de zun,
Woarmet veur al wat leaft
Weer nieje greui begun
Ok as ’n vrom gebroek
Noar ’t biebelse verhaal
Waorin de zön van God
Op d’ eerde is edaald
Ne grootnis an ’n Keend
Dat in ne kribbe lea
Dat oonze schoold wol dreagn
En leefde brach en vrea
Laot zingn dan dee hoorns
Loat heurn wied en zied
Dat ’t Keend oons wis de weg
Naoe ’n neije bettre tied.
Bert Mutter:
Uit de kleine Twentse en Achterhoekse reeks.